仆你個臭...

"仆街" 呢個用詞, 我想普遍香港人都知道佢嘅用法同意思。但係呢個世界, 要"仆"的未必一定是"街";  以下就是一個發生係我於中學四年級嘅一段有趣回憶。

那年, 地理科阿 Sir 決定同全班去一次 field trip (實地考察), 務求使我哋對課本裏面嘅知識有更具體嘅了解。Field trip 嘅目的地選擇了西貢嘅南蛇尖。當日起點由北潭凹開始, 沿途風景怡人, 但係大部份山路小徑都非常之險峻。差不多抵達南蛇尖山峰嘅一段山徑, 可以話係危機重重, 因為路面上鋪滿碎石, 而且斜度甚高。 還記得那位阿 Sir, 身材高挑瘦削兼駝背, 在這最後嘅路程好不幸失足, 由高處滾下。 當時見佢個樣都幾痛苦, 都跌得頗應, 膝頭同手肘都流晒血。

回程時候, 幾位同學都議論紛紛, 笑說阿 Sir 仆街。我為人一向無聊, 所以都搭一份咀; 我話: "我哋行咗成日都係啲山路小徑, 又唔係街, 仆都係仆小徑啦!"  幾位同學都不約而同的破口大笑。

我心諗, 其實阿 Sir 跌完起返身之後, 心裏都可能暗暗的爆一句, "仆你個臭小徑呀!"...